Аўтар: Лебяда Тодар Раздзел: Паэзія Краiна: Нявызначана Крыніца: Бібліятэка МГА "ЗБС "Бацькаўшчына": http://lib.zbsb.org/

Тодар Лебяда

ЗВАЖАЙ

Мы моладзь, мы зроджаны ў буру, пажары,

Нам ясны дарогі-пуці,

І тое, што ўчора здавалася марай —

Мы творым сягоньня ў жыцьці.

Няхай нас ня страшаць чырвоныя каты,

Бо мы на крывавы тэрор

Паўстанем сьцяною — хлапцы і дзяўчаты,

Каб даць ім належны адпор.

Дарма сяньня каты скрыгочуць зубамі,

Ня згасіць ім нашу зару.

Мы болей ня будзем ніколі рабамі,

Бо кліч наш — Жыве Беларусь!