Аўтар: Зязюля Андрэй Раздзел: Паэзія Краiна: Нявызначана Крыніца: Бібліятэка МГА "ЗБС "Бацькаўшчына": http://lib.zbsb.org/

Андрэй Зязюля

ЗА ШТО?

Ці не за тое, дзеці ночы,

Вы страшны гоман паднялі,

Што праўда ўсім вам коле ў вочы,

Што праўду вы запрадалі?..

Не выклікайце ж воўка зь лесу,

Ня шырце фальшу між людзей,

Бо прыйдзе час сарваць завесу

І ўбачыць сьвет ваш подлы дзей.

Абсядзьце ж, лепей не чапайце

Спакойнай працы грамадзкой,

І ямы рыць не пачынайце,

Бо самі будзеце у ёй!..

№ 7, 1949 г.